|
| 派左第一個econ mid term.. 好傷心 明明溫左又識哂咁 careless mistakes 就扣我8分 steps分都唔俾 8分係一個s.d 可以由B 去到A 然後又有8分essay 無啦啦扣左人咁 又要restrict answer to 4 sentences 又唔講清楚要我寫咩 頂佢個肺 問佢點解扣到咁多. "I think .........ummm.... you answer half correct .......(一路指住個答案) umm..yes ...., you answer half correct............. , so........ i assign you half of the marks ." 但係你扣多過一半分數呀八婆! 考埋macroecon. macroecon 既mid term係讀大學以來第二準備差既試 唔知會有咩分數 剩係記得準備得最差既elec001 最後c- ... 都好既 起碼係一個警號話俾我聽我再係咁落去會去唔到鐘意既大學exchange. 泥緊依一個月要努力d 囉~ 然後我又好快咁唔記得左d 唔開心既野 同牛奶去左尖咀買衫 牛奶買完之後都瀕臨破產 仲話好肉赤XD 不過我都好少理 買野係開心架麻 覺得唔值或者買完之後唔開心又點會俾錢喎~ 買到想買既野真係人都醒神d BTW , 牛奶件中褸好型 著到成個樂仔咁 HAHA~ | | |
| 死亡十月過去了 同其他學校唔同 十一月都係科大既死亡月份 十二月 ...............都係.. 基本上除左第一個月輕鬆小小 之後都係萬幾樣野等住你做 不過我幾時先肯乖乖地執行自已既計劃呢...... 已經係連續2個週末狂hea 之後去到返學既時間就走哂d 堂泥趕mid term // 上個禮拜 我返得3堂....... 其實真係唔想架 同女人瘦多廿磅先叫瘦一樣 我好似永遠都係要溫多廿粒鐘先叫準備好咁 明明睇過一次 都唔放心 係都要走堂泥溫多次先去考 咁樣都係因為weekend 永遠奉獻左俾部電腦.......... 唉 唔打啦 睇埋場利記對富咸先..... | | |
| ( 零震一點半加料版) 冇錯 真係好耐了 因為依排都幾忙下 唔駛溫書考試做assignment 的時間 都用來 玩 、 MSN 同 在網上沖浪 星期1 mid term 由於冇乜上堂 用左5 6 日 泥溫一科 真係誇張 好耐冇試過為一科mid term 咁盡力 只係6 日既夜晚冇溫書 relax 下 真係要讚下自已咁專心 不過 份卷既用字好confusing 做完都唔知岩定錯 而且 全班冇乜邊個係做得哂的 個prof 又冇講幾點完 ( 上堂話可以做哂先走 冇列具體時間) 做做下又叫人鬆一鬆 痴媽筋 後尾無啦啦話剩番15mins = = 全班起哄 最後我諗百幾個考冇10 個做得完 ---------------- 考完好放肆 即刻去盧盧度打機打到3 4 點 不過佢地仲癲 哈哈 第二日一訓醒都12點幾 即刻去開會 d idea 個prof 甚buy 放心哂~
------------- 星期三 睇左想睇好耐既 " 秒速5厘米 " 大家唔駛串我 out 我認XD 咁大獲好評既"卡通" 竟然要到依家先睇 BTW , 畫得真係好靚好靚 好似真咁 個故仔 平淡得泥 好感人 好真實 大概我也曾經有差不多的感慨吧 如果第時我有仔女 搬屋前一定問過佢地意見 同埋唔搬到好遠 起碼仲係同一個地區先 等佢地( 有機會的話) 唔駛受依隻咁既痛苦  我知 我一向都係好容易代入 好難抽離既人 (所以如果我係演員我一定唔可以拍鬼片XD) 星期3 睇 到依家仲sad 緊@@ 不過尋日睇左dd 秒速5厘米既小說 (睇左最頭最尾only )就好d 了 本小說有作好多補充 為個故事完整不少 好多主角的想法 動畫冇講到 小說就寫哂出泥 成個人物既描寫得更加清晰 貴樹 就是從跟明里分離的那一天開始 封閉了自已 變得十分冷酷 而且沒有方向 個故仔唔只描寫" 愛情"吧 都花左好多篇幅寫個男仔大個左之後 係東京度漫無目的咁奮鬥 累了 辭職 然後發現 有好多錢係戶口 但係 根本諗唔到想點駛 冇左夢想 冇左目標 就算有很多人追求的金錢 能力 個男仔依然感到十分寂寞 迷失......... 真有點心寒 我可不想以後會變成這個樣子呢... 最後show 番兩個主角13歲時本來想俾對方既信 好感慨, 又矛盾咁帶d 正面 無論過左幾耐 佢地都仲會記住對方 無論佢地係唔係大家既身邊 又或者其實依種思念 依種感覺 依隻回憶已經係佢地既一部分 刻意忘記 便像活生生刮左自已忽肉出泥咁 就等佢自自然然咁留係思緒的某角落 不自覺地細細回味 也是好的 有個不知名既哲學家話 回憶像酒 小酌 可以溫暖漸漸冰冷的心靈 沈迷 便像酒鬼一樣 終日行屍走肉 不能自拔 反被回憶吞噬了 ----故始終都係故---- 如果有這樣的兩個人的話 大概咁多年泥 點都會趁假期去探下人掛 為什麼不去盡小小既努力爭取下見面的機會呢? ----講故唔好駁故---- relax 左成晚 一口氣睇哂秒速5厘米既小說 聽日又要為mid term (programming ) 奮戰啦 BLESS ME PLZ 一定沒有問題的! | | |
| 尋晚hea hea 下勁夜訓 今朝起身 下 又落大雨 唔會紅雨咁high 掛@@ 好彩都冇.. 返ILC 等食飯 個看更諗住叫停我個時 校長出泥 我依d 乖學生梗係即叫校長啦 然後順利過關~ 想去搵鑽姐山山傾下計 2 個都上哂堂 去WOW 室 得趙sir 係度訓緊覺XD 叫佢都叫唔醒咁 佢一醒嚇死左 haha 傾開講下我既IS 不如意事 趙sir 勁樂觀咁話 咁咪好囉 學到一樣新既技能 你完全未接觸過既野 咁又係既 science 我都玩左咁多年 讀落去都知大概讀法係點 只係term 唔同左咁解 IS 既programming 同IS analyse ,design 的確好唔同 (亦都好煩) 俾到全新既感覺我既 ( 雖然係痛苦既感覺多D XD)\ 一出去wow 室 d 人已經放緊飯 衝緊出去食飯 我又何嘗唔想行快d 一路行 發覺身邊多左好多奇異既目光 唉 唔著校服姐 我"曾經"都係同一間學校架..... 去到燒扒又過左booking time ...老闆娘俾左個位人 搞到我同中指胃同學要搭人一陣 本25週年紀念冊好靚 不過冇我 有波波 去到隻DVD 度先見到有我,yen , 蟹去thanksgiving 隻碟好過癮 有n年前老師 同 畢業生既合照 仲見到趙趙既長髮look 趙趙長髮 = 經典look :ADORE: -----------食完之後搭番學校聽talk 一聽聽5個賺exchange 分 最impress 到我既係尼爾遜 我覺得會係一間幾適合我既公司 unilever 好dum 本 個gift pack 如果要買 實過100 bloomberg 係一間好厲害既公司 好有效率 pay well , 但係太stressful , 分秒必爭既生活 唔適合我 況且 佢既要求都太屈機 "這些機會不屬於我的" -------- 中秋仲諗緊去邊好 要飲酒又要有海 靜靜地冇人趕 仲要無蚊 我剩係諗到科大提霸.... 不過依排點都多 roommate ----> 唔吸血又點冬眠呢?XDDDDDDDDDD 大家有咩提議? | | |
| 係開始之前 俾D集體回憶大家~ 喂同學牙, 我就讀工程系出身, 你日校老師就讀physics出身, 佢點會教得你好? 仲慢慢係度v=ir? 我夠膽講, 我電學教你唔識, 哩個世界冇人教得你識, 我假假地都係電子電機工程師....
喂同學牙, 我師父就係第1個發明laser ge鬼佬, 我地做科研,
閒閒地都幾千塊lens, 仲慢慢同你畫ray diagram? 我夠膽講, 我教你lens唔識, 哩個世界冇人教得你識. 以上例子仲有好多 例如講wave 拎個肥仔同d 瘦人既上堂漫畫出泥講wave length ,width ?個d 係咪好 似曾相識 呀 各位補KEN CHAN 既同學仔XD 今日上forum 見d 人無啦啦講起 補習名師 覺得好有集體回憶既 feel up 上泥俾大家笑下姐~ 今個禮拜冇乜野講 連續睇左2套白痴戲 死神來了3D版 同 偽能叛變 睇完真係覺得俾人厄左錢... 星期 6 做programming 既assignment ... 睇完notes 連第一個step 都唔識做 FD 如pong pong , chris 都係唔識VB 既 大約講到俾我聽係乜 但係都係做唔到 正當我灰到裂既時候 TA ON左MSN !! 問左陣 同是IS 既MATTHEW 又得閒 咁就做完份lab 不過做到成十點 仲係咁簡單既功課 ( 都唔駛20行) 但係就有一份好大既成功感 好感動! 不過PROGRAMMING 真係PK 架 睇完份notes 都唔會知點做囉! 咁我點識做姐 MATTHEW 話問TA 頂 題題係咁問TA 不如TA 向成班教一次跟住做啦 好過你答幾十次啦係咪? ANYWAY , 好多謝各位幫過我既朋友! 我要去EXCHANGE ! 就算我對programming 幾冇天份都好 依科都唔炒得 今個sem 所有科都唔炒得! GOGOGOOOOO! | | |
|
